《遊記》嘉明湖 - 戒茂斯路線 3D2N
獨走嘉明湖係一個半突發嘅活動，原本行程係綠島潛水後就回港，但係只係去台灣潛水唔行山又好似有違我山系店長嘅人設，所以就腳喺台東附近搵咗一條走營路線 {嘉明湖 - 戒茂斯路線}。
嘉明湖，係台灣湖泊中第二高的高山湖泊，海拔3,310米，亦係此行嘅最大景點之一。嘉明湖夾喺三叉山同埋向陽山中間，兩座均係百岳之一。而登上嘉明湖主要分為兩種路線。第一條為傳統路線，經由向陽登山口出發，沿途可以入住向陽山屋以及嘉明湖山屋，到達嘉明湖後可折返原路下降番去向陽登山口走。而另一條為戒茂斯路線，亦係我此行嘅路線，經由戒茂斯山登山口出發，沿途需於山林裏露營兩天，最後一日經傳統路線下山或到達嘉明湖後原路戒茂斯路線折返。 而今次旅程我選擇了戒茂斯路線主要有幾個原因，1. 怕麻煩，山屋又要Book，比錢又麻煩，而戒茂斯路線因為係走營路線唔洗訓山屋所以唔洗煩（不過外國人有另一條隊去抽山屋位，所以基本上想抽就中硬）2. 森林景，做功課時得知戒茂斯路線係一條充滿森林景色嘅路線，沿途亦會經過河流小溪等，路途亦相對較大自然化，無過度嘅人造建設，如石路，指示牌等。3. 挑戰性較高，爬升技巧等亦較大，想作賤下自已，所以最後選擇了戒茂斯路線。
一般兩邊路線都係會行3D2N / 4D3N，行完過後亦無想像中難行辛苦，需則咁講，但每日爬升/下降都有約一千幾米，而平均都在約海拔3000米上下走動，最高點更有海拔3600米，所以怕出現高山症嘅可以安排4日行程比身體作緩衝。
行程： Day1: 戒茂斯登山口 1900m -> 戒茂斯山2500m ->新武呂溪2200m
Day2: 新武呂溪2200m -> 獵寮營地3100m Day3: 獵寮營地3100m -> 嘉明湖3350m -> 三叉山3496m ->向陽登山口 Day1: 第二篇講講行程，與4位素未謀面嘅台灣人一齊併車（泥鰍Van）由池上出發，坐車約1個半小時到達戒茂斯登山口出發，沿途斜上到戒茂斯山，路況清晰度一般，都有絲帶指示方向，但不算太清晰，每幾個字建議睇一睇離線地圖，因為戒茂斯嘅路線全程都係森林且多分支，大霧下雨夜走都會極易迷路，如果無地圖的話，而且訊號亦斷斷續續。今次我用一個叫”Mapout”嘅離線地圖App (需付費）。
十月份天氣開始轉涼，亦係台灣登山旺季，沿途斜上到戒茂斯山作小休，亦只遇上數名下山嘅台灣人，當中更有數位係”協作”，亦即係大家叫嘅Porter，主要幫手揹營、食物同埋裝備等，費用好似係大約一萬台幣鬆d，但見佢地揹嘅野大約係我地4-5倍，聊天下更發現佢地揹緊大約30-40kg嘅重物，厲害厲害。小休過後繼續行，去到新武呂溪，新武呂溪分別有兩條，第一條較淺，水深只及小腿，第二條較深，水深至大腿，但係設有繩索幫忙輔助過河。水深至大腿，據當地人說係正常嘅水位，有時候水深可以去到頸嘅位置，生得矮d就要番屋企了，因為呢條應該係必經之路，所以出發前如果行呢一條路可以睇下降水量同埋問一問前一日嘅狀況。第一日會喺新武呂溪camp，附近亦多空地露營同埋近水源，算係一個不錯嘅露營地方，但亦因此有不少動物喺呢頭搵野食（我見到一隻螢火蟲），黃喉貂亦出哂名係附近會偷野食，附近嘅山友都拍攝到佢地，我自已就離遠見到影唔切，因為我渣住部fuji xt30ii + 35mm，行近少少影佢地已經跑走...好多時內心都好掙扎，拎唔拎多支鏡、拎唔拎腳架、drone...最後好多時都係因為怕重所以一支Prime鏡走天涯，大家又有無一d你地自已嘅行山拍攝Set up分享下？ Day2:由於第二日爬升較多，所以Day 1約8點晚上好早就訓。成個晚上亦一直落大雨，帶咗耳塞都訓得麻麻地，但幸運地早上出發前停雨，雖然濕收但係起碼人係可以乾身地走。 第二天早上補滿水（1.5L）就出發了，全日都係森林路，而且一直上至海拔3300 。由新武呂溪開始訊號就斷斷續續，長時間收唔到，絲帶亦開始愈嚟愈疏，要較頻密觀看方向同埋離線地圖。而第二天行程會路經大量checkpoint，包括排球場營地、足球場營地、哥爾夫球場營地等，營地名稱亦代表各營地嘅Size，路經第一個營地排球場營地，由於天氣好好所以我拎咗隻營出嚟曬一曬乾，食個Brownie再出發。沿途森林十分寧靜，通常我自已行山都會帶耳機聽歌，但難得今次嚟台灣行山，特登全程唔戴聽下大自然嘅聲音，當我都靜止唔郁個陣時，聽到嘅只有自已嘅心跳呼吸聲，個感覺都幾正。
走出森林後就去到第二日嘅營地 - 獵寮營地，喺呢個營地再度與7位台灣人及協作大哥相遇並一起晚餐共度晚上（台灣人都很熱情），分享食物比我，又有牛肉又有湯又有綿花糖..
行程： Day3: 獵寮營地3100m -> 嘉明湖3350m -> 三叉山3496m ->向陽登山口
早上凌晨4點起身再準備出發，因為要趕上嘉明湖嘅日出時間，用大約15分鐘收拾行裝就出發了，今日亦同昨天的台灣山友結伴同行，渡過營地附近小河後就直接啟程登山上嘉明湖，沿途路徑尚算好走，只係摸黑行要小心dd，不用1小時就上到嘉明湖，去到目的地見到有個’阿北‘拎住部Sony 袋住3支GM鏡頭就羨慕了🥲，今次貪輕只帶了35mm嘅prime鏡...
再簡單介紹一下嘉明湖，嘉明湖係台灣第二高的高山湖泊，橢圓形嘅藍色湖泊，在三叉山嘅旁邊，雖然佢係一個湖，但係嚴禁遊水的，因為過去曾經有過意外發生，同埋為咗不污染水源。之後影咗大約一小時相，67點日出過後就繼續出發，畢竟最後一天嘅行程有點趕，因為要趕去搭包車。
嘉明湖過後就登頂三叉山，約3500m海拔，亦係比較易行嘅山，百岳排名第27，上到頂可以飽覽向陽山、羅太盆地、雲峰、玉山、關山、新康山等。簡單拍照後出發，稍作下降後就要再爬向陽山北峰，亦係今日行程中唯一尚算有少少位要用手嘅一小節。稍作停留拍照又繼續全速去嘉明湖山屋進發。一路上上落落，約額外一個多小時就到達。第一次到台灣的山屋 - 嘉明湖山屋，感覺同日本比較相對較殘舊，沒有熟食等可以購買（需預先跟協作預約），但係可以充電，亦有自然分解嘅廁所，休息嘅地方亦有。而去到嘉明湖山屋亦等於今日嘅路程已經完成咗最辛苦嘅部分，因為之後大致上都係落斜(1600下降..)。
我亦喺山屋稍作休息，煮個辛辣麵但係無哂餸，因為最後一日所有野都食哂，但係幸運地，與住喺山屋嘅負責人吹咗幾句水，佢就好nice咁幫我個辛辣麵加料，有帶子、腸仔仲有Cheese！亦好好地比我refill水（注意嘉明湖山屋並沒有食水可提供）走之前我就送咗我罐高山氣比佢，因為係佢地山屋需要嘅物資，二嚟我最後一日無用又帶唔番香港。
而去番傳統路線後就開始見到香港人！臨離開山屋前巧遇兩個踩越野單車嘅香港丫伯，落山少少之後再撞到兩個嚟行山嘅香港丫叔，我老咗唔知行唔行到lol 之後沿途都無乜特別，直接落到去向陽山屋，一間較為靚嘅山屋，一入去山屋範圍就會見到一棵貫穿山屋嘅樹，棵樹上面有好多爪痕（圖10），原來係台灣黑熊磨爪嘅爪痕，據車我上車嘅司機講，上一次目擊黑熊係約3個月前，而向陽山屋亦係黑熊常出沒嘅地點，所以山屋附近有不少標示牌寫明”熊出沒注意”，所以向陽山屋可以話係人同黑熊嘅中間點，成件事好Cool，亦都可惜今次旅程見唔到黑熊。休息片刻後就出發行埋最後一段下山路，約2小時，落到去向陽山登山口嘅警崗就完結今次嘅旅程。
總結，如果你未來打算行嘉明湖，體力一般，沒有足夠登山經驗 或打算Solo行山的話，建議都係行番傳統路線，相對易行亦不會迷路，亦有山屋等可以Book，所以基本上營都唔洗帶，重量都差幾遠。即使想走戒茂斯路線嘅亦不用太擔心，準備充足少少基本上亦不困難，而網絡上亦好多戒茂斯路線分享可以比你做定功課。而水我亦3日每日都只係最多帶1.5L水加filter，非夏天的話基本上夠哂。
而重量上亦忘記磅重，但係上飛機handcarry嘅重量係6.3kg所有野（無水），所以加埋野食同埋水等應該有8Kg左右。裝備List亦在下
講番出發前嘅裝備，交通等： 裝備： Tent: Durston Gear X-Mid Pro 1 Mat: Thermarest Neoair
Sleeping bag: Nanga mini5
Trekking pole: Gossamer gear LT5 Backpack: Pa’lante V2 Ultra Headlamp/light : Nitecore NU25 / Goal Zero
Table : Picharpak hiking set
Cookset: TMR L.T. cooker / MSR pocket rocket / Mt dimension gripper
Powerbank: Nitecore 20000
Water filter: Sawyer
衣物： Upper:
-Vadoapparel AD 1/3 Zip pullover
-Yamatomichi UL short sleeve
-Montbell goretax jacket
-Columbia base layer
Bottom: -Proj mt 4 pocket shorts
-Vadoapparel AD Pant -Hanchor wool socks -Norda
-Bedrock Camera: -Fujifilm X-t30ii -35mm F1.4
-fotopro air-cross2
嘉明湖，係台灣湖泊中第二高的高山湖泊，海拔3,310米，亦係此行嘅最大景點之一。嘉明湖夾喺三叉山同埋向陽山中間，兩座均係百岳之一。而登上嘉明湖主要分為兩種路線。第一條為傳統路線，經由向陽登山口出發，沿途可以入住向陽山屋以及嘉明湖山屋，到達嘉明湖後可折返原路下降番去向陽登山口走。而另一條為戒茂斯路線，亦係我此行嘅路線，經由戒茂斯山登山口出發，沿途需於山林裏露營兩天，最後一日經傳統路線下山或到達嘉明湖後原路戒茂斯路線折返。 而今次旅程我選擇了戒茂斯路線主要有幾個原因，1. 怕麻煩，山屋又要Book，比錢又麻煩，而戒茂斯路線因為係走營路線唔洗訓山屋所以唔洗煩（不過外國人有另一條隊去抽山屋位，所以基本上想抽就中硬）2. 森林景，做功課時得知戒茂斯路線係一條充滿森林景色嘅路線，沿途亦會經過河流小溪等，路途亦相對較大自然化，無過度嘅人造建設，如石路，指示牌等。3. 挑戰性較高，爬升技巧等亦較大，想作賤下自已，所以最後選擇了戒茂斯路線。
一般兩邊路線都係會行3D2N / 4D3N，行完過後亦無想像中難行辛苦，需則咁講，但每日爬升/下降都有約一千幾米，而平均都在約海拔3000米上下走動，最高點更有海拔3600米，所以怕出現高山症嘅可以安排4日行程比身體作緩衝。
行程： Day1: 戒茂斯登山口 1900m -> 戒茂斯山2500m ->新武呂溪2200m
Day2: 新武呂溪2200m -> 獵寮營地3100m Day3: 獵寮營地3100m -> 嘉明湖3350m -> 三叉山3496m ->向陽登山口 Day1: 第二篇講講行程，與4位素未謀面嘅台灣人一齊併車（泥鰍Van）由池上出發，坐車約1個半小時到達戒茂斯登山口出發，沿途斜上到戒茂斯山，路況清晰度一般，都有絲帶指示方向，但不算太清晰，每幾個字建議睇一睇離線地圖，因為戒茂斯嘅路線全程都係森林且多分支，大霧下雨夜走都會極易迷路，如果無地圖的話，而且訊號亦斷斷續續。今次我用一個叫”Mapout”嘅離線地圖App (需付費）。
十月份天氣開始轉涼，亦係台灣登山旺季，沿途斜上到戒茂斯山作小休，亦只遇上數名下山嘅台灣人，當中更有數位係”協作”，亦即係大家叫嘅Porter，主要幫手揹營、食物同埋裝備等，費用好似係大約一萬台幣鬆d，但見佢地揹嘅野大約係我地4-5倍，聊天下更發現佢地揹緊大約30-40kg嘅重物，厲害厲害。小休過後繼續行，去到新武呂溪，新武呂溪分別有兩條，第一條較淺，水深只及小腿，第二條較深，水深至大腿，但係設有繩索幫忙輔助過河。水深至大腿，據當地人說係正常嘅水位，有時候水深可以去到頸嘅位置，生得矮d就要番屋企了，因為呢條應該係必經之路，所以出發前如果行呢一條路可以睇下降水量同埋問一問前一日嘅狀況。第一日會喺新武呂溪camp，附近亦多空地露營同埋近水源，算係一個不錯嘅露營地方，但亦因此有不少動物喺呢頭搵野食（我見到一隻螢火蟲），黃喉貂亦出哂名係附近會偷野食，附近嘅山友都拍攝到佢地，我自已就離遠見到影唔切，因為我渣住部fuji xt30ii + 35mm，行近少少影佢地已經跑走...好多時內心都好掙扎，拎唔拎多支鏡、拎唔拎腳架、drone...最後好多時都係因為怕重所以一支Prime鏡走天涯，大家又有無一d你地自已嘅行山拍攝Set up分享下？ Day2:由於第二日爬升較多，所以Day 1約8點晚上好早就訓。成個晚上亦一直落大雨，帶咗耳塞都訓得麻麻地，但幸運地早上出發前停雨，雖然濕收但係起碼人係可以乾身地走。 第二天早上補滿水（1.5L）就出發了，全日都係森林路，而且一直上至海拔3300 。由新武呂溪開始訊號就斷斷續續，長時間收唔到，絲帶亦開始愈嚟愈疏，要較頻密觀看方向同埋離線地圖。而第二天行程會路經大量checkpoint，包括排球場營地、足球場營地、哥爾夫球場營地等，營地名稱亦代表各營地嘅Size，路經第一個營地排球場營地，由於天氣好好所以我拎咗隻營出嚟曬一曬乾，食個Brownie再出發。沿途森林十分寧靜，通常我自已行山都會帶耳機聽歌，但難得今次嚟台灣行山，特登全程唔戴聽下大自然嘅聲音，當我都靜止唔郁個陣時，聽到嘅只有自已嘅心跳呼吸聲，個感覺都幾正。
走出森林後就去到第二日嘅營地 - 獵寮營地，喺呢個營地再度與7位台灣人及協作大哥相遇並一起晚餐共度晚上（台灣人都很熱情），分享食物比我，又有牛肉又有湯又有綿花糖..
行程： Day3: 獵寮營地3100m -> 嘉明湖3350m -> 三叉山3496m ->向陽登山口
早上凌晨4點起身再準備出發，因為要趕上嘉明湖嘅日出時間，用大約15分鐘收拾行裝就出發了，今日亦同昨天的台灣山友結伴同行，渡過營地附近小河後就直接啟程登山上嘉明湖，沿途路徑尚算好走，只係摸黑行要小心dd，不用1小時就上到嘉明湖，去到目的地見到有個’阿北‘拎住部Sony 袋住3支GM鏡頭就羨慕了🥲，今次貪輕只帶了35mm嘅prime鏡...
再簡單介紹一下嘉明湖，嘉明湖係台灣第二高的高山湖泊，橢圓形嘅藍色湖泊，在三叉山嘅旁邊，雖然佢係一個湖，但係嚴禁遊水的，因為過去曾經有過意外發生，同埋為咗不污染水源。之後影咗大約一小時相，67點日出過後就繼續出發，畢竟最後一天嘅行程有點趕，因為要趕去搭包車。
嘉明湖過後就登頂三叉山，約3500m海拔，亦係比較易行嘅山，百岳排名第27，上到頂可以飽覽向陽山、羅太盆地、雲峰、玉山、關山、新康山等。簡單拍照後出發，稍作下降後就要再爬向陽山北峰，亦係今日行程中唯一尚算有少少位要用手嘅一小節。稍作停留拍照又繼續全速去嘉明湖山屋進發。一路上上落落，約額外一個多小時就到達。第一次到台灣的山屋 - 嘉明湖山屋，感覺同日本比較相對較殘舊，沒有熟食等可以購買（需預先跟協作預約），但係可以充電，亦有自然分解嘅廁所，休息嘅地方亦有。而去到嘉明湖山屋亦等於今日嘅路程已經完成咗最辛苦嘅部分，因為之後大致上都係落斜(1600下降..)。
我亦喺山屋稍作休息，煮個辛辣麵但係無哂餸，因為最後一日所有野都食哂，但係幸運地，與住喺山屋嘅負責人吹咗幾句水，佢就好nice咁幫我個辛辣麵加料，有帶子、腸仔仲有Cheese！亦好好地比我refill水（注意嘉明湖山屋並沒有食水可提供）走之前我就送咗我罐高山氣比佢，因為係佢地山屋需要嘅物資，二嚟我最後一日無用又帶唔番香港。
而去番傳統路線後就開始見到香港人！臨離開山屋前巧遇兩個踩越野單車嘅香港丫伯，落山少少之後再撞到兩個嚟行山嘅香港丫叔，我老咗唔知行唔行到lol 之後沿途都無乜特別，直接落到去向陽山屋，一間較為靚嘅山屋，一入去山屋範圍就會見到一棵貫穿山屋嘅樹，棵樹上面有好多爪痕（圖10），原來係台灣黑熊磨爪嘅爪痕，據車我上車嘅司機講，上一次目擊黑熊係約3個月前，而向陽山屋亦係黑熊常出沒嘅地點，所以山屋附近有不少標示牌寫明”熊出沒注意”，所以向陽山屋可以話係人同黑熊嘅中間點，成件事好Cool，亦都可惜今次旅程見唔到黑熊。休息片刻後就出發行埋最後一段下山路，約2小時，落到去向陽山登山口嘅警崗就完結今次嘅旅程。
總結，如果你未來打算行嘉明湖，體力一般，沒有足夠登山經驗 或打算Solo行山的話，建議都係行番傳統路線，相對易行亦不會迷路，亦有山屋等可以Book，所以基本上營都唔洗帶，重量都差幾遠。即使想走戒茂斯路線嘅亦不用太擔心，準備充足少少基本上亦不困難，而網絡上亦好多戒茂斯路線分享可以比你做定功課。而水我亦3日每日都只係最多帶1.5L水加filter，非夏天的話基本上夠哂。
而重量上亦忘記磅重，但係上飛機handcarry嘅重量係6.3kg所有野（無水），所以加埋野食同埋水等應該有8Kg左右。裝備List亦在下
講番出發前嘅裝備，交通等： 裝備： Tent: Durston Gear X-Mid Pro 1 Mat: Thermarest Neoair
Sleeping bag: Nanga mini5
Trekking pole: Gossamer gear LT5 Backpack: Pa’lante V2 Ultra Headlamp/light : Nitecore NU25 / Goal Zero
Table : Picharpak hiking set
Cookset: TMR L.T. cooker / MSR pocket rocket / Mt dimension gripper
Powerbank: Nitecore 20000
Water filter: Sawyer
衣物： Upper:
-Vadoapparel AD 1/3 Zip pullover
-Yamatomichi UL short sleeve
-Montbell goretax jacket
-Columbia base layer
Bottom: -Proj mt 4 pocket shorts
-Vadoapparel AD Pant -Hanchor wool socks -Norda
-Bedrock Camera: -Fujifilm X-t30ii -35mm F1.4
-fotopro air-cross2