山遊記
《6年後的紐西蘭遊記》
久別紐西蘭，再度一人重遊，但係正式多咗一個新嘅興趣 - 露營。之前紐西蘭生活時最多都係road trip，行行山玩玩水，亦都未有攝影呢個技能，番到嚟香港住之後，特別係經營Nothingblue後成日都有少少可惜後悔嘅感覺 “如果個時我識影相就好” “如果個時我行多d NZ嘅trails同露營就好” 所以今次帶住少少彌補嘅感覺獨遊紐西蘭，希望可以帶多d野番嚟香港。題外話：紐西蘭係一個好奇幻嘅地方，想講起紐西蘭嘅時候10個有9個人都潛意識會誤講係澳洲，‘啊 澳洲好冇玩啊’ ‘澳洲讀完書番嚟？’ ‘澳洲凍唔凍’等，唔知有無人有同感？題外話2，帶露營用品或行山鞋入境記住申報，因為要保護紐西蘭土壤等原因，如果唔係會罰錢講番New Zealand，係一個港人旅遊相對無咁熱門嘅地方，可能遠又相對貴d或者無咁多城市野。New Zealand係一個重視自然及環保嘅國家，禁膠、回收、自然保育、可持續發展等都係佢地至今仍然有不少美麗自然風景嘅原因。而紐西蘭主要分為北島及南島，南島相對較多自然景觀及山徑，亦係我第二個故鄉，所以我整整十日都係環繞整個南島自駕遊，駕駛咗差不多1600至2000km。12小時嘅飛行，嚟到Christchurch，下機後馬上拎車就出發駕駛3個多小時去下一個鎮Dunedin，停留數天同親友見個面就出發去主要目的地 - Queenstown。Queenstown 係一個旅遊重鎮，因為其附近嘅國家公園，大量山徑山脈湖河冰川等，基本上去行山一定會由Queenstown出發，而其中一日我都安排咗登上Ben lomond track經Tiki trail（可乘搭纜車唔行tiki trail)，全程連tiki trail差不多1600m 爬升，return約6小時+tiki trail 1小時， 路徑不算難行，但仍需要一定體力，接近山峰區域亦有積雪滑冰面等位置。但整體風景優美，如果大家喺Queenstown 有多一日空閒時間可以一戰。出咗《6年後的紐西蘭遊記》上篇，不少朋友客人亦問幾時出下篇，亦有不少有類近回憶嘅朋友分享番佢嘅旅程比我聽... 本來打算只係出圖片，但圖片略欠溫度，所以第二篇遊記除咗相片外，剪咗一條短片比未去過嘅大家感受一吓紐西蘭大自然嘅寧靜，以及獨遊的感覺；去過嘅朋友就可以回憶吓往事！ 上回講到Queenstown行咗Ben Lomond summit，整日登山約7小時都只係見到約十數人，主要因為大約4月份-9月份都係紐西蘭雪季，為登山淡季，大部分山峰都係有雪且處於不建議新手登山嘅Condition，每座山峰嘅基本資料亦可以到Department of...
《6年後的紐西蘭遊記》
久別紐西蘭，再度一人重遊，但係正式多咗一個新嘅興趣 - 露營。之前紐西蘭生活時最多都係road trip，行行山玩玩水，亦都未有攝影呢個技能，番到嚟香港住之後，特別係經營Nothingblue後成日都有少少可惜後悔嘅感覺 “如果個時我識影相就好” “如果個時我行多d NZ嘅trails同露營就好” 所以今次帶住少少彌補嘅感覺獨遊紐西蘭，希望可以帶多d野番嚟香港。題外話：紐西蘭係一個好奇幻嘅地方，想講起紐西蘭嘅時候10個有9個人都潛意識會誤講係澳洲，‘啊 澳洲好冇玩啊’ ‘澳洲讀完書番嚟？’ ‘澳洲凍唔凍’等，唔知有無人有同感？題外話2，帶露營用品或行山鞋入境記住申報，因為要保護紐西蘭土壤等原因，如果唔係會罰錢講番New Zealand，係一個港人旅遊相對無咁熱門嘅地方，可能遠又相對貴d或者無咁多城市野。New Zealand係一個重視自然及環保嘅國家，禁膠、回收、自然保育、可持續發展等都係佢地至今仍然有不少美麗自然風景嘅原因。而紐西蘭主要分為北島及南島，南島相對較多自然景觀及山徑，亦係我第二個故鄉，所以我整整十日都係環繞整個南島自駕遊，駕駛咗差不多1600至2000km。12小時嘅飛行，嚟到Christchurch，下機後馬上拎車就出發駕駛3個多小時去下一個鎮Dunedin，停留數天同親友見個面就出發去主要目的地 - Queenstown。Queenstown 係一個旅遊重鎮，因為其附近嘅國家公園，大量山徑山脈湖河冰川等，基本上去行山一定會由Queenstown出發，而其中一日我都安排咗登上Ben lomond track經Tiki trail（可乘搭纜車唔行tiki trail)，全程連tiki trail差不多1600m 爬升，return約6小時+tiki trail 1小時， 路徑不算難行，但仍需要一定體力，接近山峰區域亦有積雪滑冰面等位置。但整體風景優美，如果大家喺Queenstown 有多一日空閒時間可以一戰。出咗《6年後的紐西蘭遊記》上篇，不少朋友客人亦問幾時出下篇，亦有不少有類近回憶嘅朋友分享番佢嘅旅程比我聽... 本來打算只係出圖片，但圖片略欠溫度，所以第二篇遊記除咗相片外，剪咗一條短片比未去過嘅大家感受一吓紐西蘭大自然嘅寧靜，以及獨遊的感覺；去過嘅朋友就可以回憶吓往事！ 上回講到Queenstown行咗Ben Lomond summit，整日登山約7小時都只係見到約十數人，主要因為大約4月份-9月份都係紐西蘭雪季，為登山淡季，大部分山峰都係有雪且處於不建議新手登山嘅Condition，每座山峰嘅基本資料亦可以到Department of...
《遊記》嘉明湖 - 戒茂斯路線 3D2N
獨走嘉明湖係一個半突發嘅活動，原本行程係綠島潛水後就回港，但係只係去台灣潛水唔行山又好似有違我山系店長嘅人設，所以就腳喺台東附近搵咗一條走營路線 {嘉明湖 - 戒茂斯路線}。嘉明湖，係台灣湖泊中第二高的高山湖泊，海拔3,310米，亦係此行嘅最大景點之一。嘉明湖夾喺三叉山同埋向陽山中間，兩座均係百岳之一。而登上嘉明湖主要分為兩種路線。第一條為傳統路線，經由向陽登山口出發，沿途可以入住向陽山屋以及嘉明湖山屋，到達嘉明湖後可折返原路下降番去向陽登山口走。而另一條為戒茂斯路線，亦係我此行嘅路線，經由戒茂斯山登山口出發，沿途需於山林裏露營兩天，最後一日經傳統路線下山或到達嘉明湖後原路戒茂斯路線折返。 而今次旅程我選擇了戒茂斯路線主要有幾個原因，1. 怕麻煩，山屋又要Book，比錢又麻煩，而戒茂斯路線因為係走營路線唔洗訓山屋所以唔洗煩（不過外國人有另一條隊去抽山屋位，所以基本上想抽就中硬）2. 森林景，做功課時得知戒茂斯路線係一條充滿森林景色嘅路線，沿途亦會經過河流小溪等，路途亦相對較大自然化，無過度嘅人造建設，如石路，指示牌等。3. 挑戰性較高，爬升技巧等亦較大，想作賤下自已，所以最後選擇了戒茂斯路線。一般兩邊路線都係會行3D2N / 4D3N，行完過後亦無想像中難行辛苦，需則咁講，但每日爬升/下降都有約一千幾米，而平均都在約海拔3000米上下走動，最高點更有海拔3600米，所以怕出現高山症嘅可以安排4日行程比身體作緩衝。行程： Day1: 戒茂斯登山口 1900m -> 戒茂斯山2500m ->新武呂溪2200mDay2: 新武呂溪2200m -> 獵寮營地3100m Day3: 獵寮營地3100m -> 嘉明湖3350m -> 三叉山3496m ->向陽登山口 Day1: 第二篇講講行程，與4位素未謀面嘅台灣人一齊併車（泥鰍Van）由池上出發，坐車約1個半小時到達戒茂斯登山口出發，沿途斜上到戒茂斯山，路況清晰度一般，都有絲帶指示方向，但不算太清晰，每幾個字建議睇一睇離線地圖，因為戒茂斯嘅路線全程都係森林且多分支，大霧下雨夜走都會極易迷路，如果無地圖的話，而且訊號亦斷斷續續。今次我用一個叫”Mapout”嘅離線地圖App (需付費）。十月份天氣開始轉涼，亦係台灣登山旺季，沿途斜上到戒茂斯山作小休，亦只遇上數名下山嘅台灣人，當中更有數位係”協作”，亦即係大家叫嘅Porter，主要幫手揹營、食物同埋裝備等，費用好似係大約一萬台幣鬆d，但見佢地揹嘅野大約係我地4-5倍，聊天下更發現佢地揹緊大約30-40kg嘅重物，厲害厲害。小休過後繼續行，去到新武呂溪，新武呂溪分別有兩條，第一條較淺，水深只及小腿，第二條較深，水深至大腿，但係設有繩索幫忙輔助過河。水深至大腿，據當地人說係正常嘅水位，有時候水深可以去到頸嘅位置，生得矮d就要番屋企了，因為呢條應該係必經之路，所以出發前如果行呢一條路可以睇下降水量同埋問一問前一日嘅狀況。第一日會喺新武呂溪camp，附近亦多空地露營同埋近水源，算係一個不錯嘅露營地方，但亦因此有不少動物喺呢頭搵野食（我見到一隻螢火蟲），黃喉貂亦出哂名係附近會偷野食，附近嘅山友都拍攝到佢地，我自已就離遠見到影唔切，因為我渣住部fuji xt30ii + 35mm，行近少少影佢地已經跑走...好多時內心都好掙扎，拎唔拎多支鏡、拎唔拎腳架、drone...最後好多時都係因為怕重所以一支Prime鏡走天涯，大家又有無一d你地自已嘅行山拍攝Set up分享下？ Day2:由於第二日爬升較多，所以Day 1約8點晚上好早就訓。成個晚上亦一直落大雨，帶咗耳塞都訓得麻麻地，但幸運地早上出發前停雨，雖然濕收但係起碼人係可以乾身地走。...
《遊記》嘉明湖 - 戒茂斯路線 3D2N
獨走嘉明湖係一個半突發嘅活動，原本行程係綠島潛水後就回港，但係只係去台灣潛水唔行山又好似有違我山系店長嘅人設，所以就腳喺台東附近搵咗一條走營路線 {嘉明湖 - 戒茂斯路線}。嘉明湖，係台灣湖泊中第二高的高山湖泊，海拔3,310米，亦係此行嘅最大景點之一。嘉明湖夾喺三叉山同埋向陽山中間，兩座均係百岳之一。而登上嘉明湖主要分為兩種路線。第一條為傳統路線，經由向陽登山口出發，沿途可以入住向陽山屋以及嘉明湖山屋，到達嘉明湖後可折返原路下降番去向陽登山口走。而另一條為戒茂斯路線，亦係我此行嘅路線，經由戒茂斯山登山口出發，沿途需於山林裏露營兩天，最後一日經傳統路線下山或到達嘉明湖後原路戒茂斯路線折返。 而今次旅程我選擇了戒茂斯路線主要有幾個原因，1. 怕麻煩，山屋又要Book，比錢又麻煩，而戒茂斯路線因為係走營路線唔洗訓山屋所以唔洗煩（不過外國人有另一條隊去抽山屋位，所以基本上想抽就中硬）2. 森林景，做功課時得知戒茂斯路線係一條充滿森林景色嘅路線，沿途亦會經過河流小溪等，路途亦相對較大自然化，無過度嘅人造建設，如石路，指示牌等。3. 挑戰性較高，爬升技巧等亦較大，想作賤下自已，所以最後選擇了戒茂斯路線。一般兩邊路線都係會行3D2N / 4D3N，行完過後亦無想像中難行辛苦，需則咁講，但每日爬升/下降都有約一千幾米，而平均都在約海拔3000米上下走動，最高點更有海拔3600米，所以怕出現高山症嘅可以安排4日行程比身體作緩衝。行程： Day1: 戒茂斯登山口 1900m -> 戒茂斯山2500m ->新武呂溪2200mDay2: 新武呂溪2200m -> 獵寮營地3100m Day3: 獵寮營地3100m -> 嘉明湖3350m -> 三叉山3496m ->向陽登山口 Day1: 第二篇講講行程，與4位素未謀面嘅台灣人一齊併車（泥鰍Van）由池上出發，坐車約1個半小時到達戒茂斯登山口出發，沿途斜上到戒茂斯山，路況清晰度一般，都有絲帶指示方向，但不算太清晰，每幾個字建議睇一睇離線地圖，因為戒茂斯嘅路線全程都係森林且多分支，大霧下雨夜走都會極易迷路，如果無地圖的話，而且訊號亦斷斷續續。今次我用一個叫”Mapout”嘅離線地圖App (需付費）。十月份天氣開始轉涼，亦係台灣登山旺季，沿途斜上到戒茂斯山作小休，亦只遇上數名下山嘅台灣人，當中更有數位係”協作”，亦即係大家叫嘅Porter，主要幫手揹營、食物同埋裝備等，費用好似係大約一萬台幣鬆d，但見佢地揹嘅野大約係我地4-5倍，聊天下更發現佢地揹緊大約30-40kg嘅重物，厲害厲害。小休過後繼續行，去到新武呂溪，新武呂溪分別有兩條，第一條較淺，水深只及小腿，第二條較深，水深至大腿，但係設有繩索幫忙輔助過河。水深至大腿，據當地人說係正常嘅水位，有時候水深可以去到頸嘅位置，生得矮d就要番屋企了，因為呢條應該係必經之路，所以出發前如果行呢一條路可以睇下降水量同埋問一問前一日嘅狀況。第一日會喺新武呂溪camp，附近亦多空地露營同埋近水源，算係一個不錯嘅露營地方，但亦因此有不少動物喺呢頭搵野食（我見到一隻螢火蟲），黃喉貂亦出哂名係附近會偷野食，附近嘅山友都拍攝到佢地，我自已就離遠見到影唔切，因為我渣住部fuji xt30ii + 35mm，行近少少影佢地已經跑走...好多時內心都好掙扎，拎唔拎多支鏡、拎唔拎腳架、drone...最後好多時都係因為怕重所以一支Prime鏡走天涯，大家又有無一d你地自已嘅行山拍攝Set up分享下？ Day2:由於第二日爬升較多，所以Day 1約8點晚上好早就訓。成個晚上亦一直落大雨，帶咗耳塞都訓得麻麻地，但幸運地早上出發前停雨，雖然濕收但係起碼人係可以乾身地走。...
紐西蘭山遊記🇳🇿Tongariro Alpine Crossing （Winter)
路線：Tongariro Alpine Crossing (Winter)距離：20.2 km（單程單日）爬升： 1,196 metres (3,923 feet）溫度： 8月份 約1至-5°C 官方預計時間 ：夏季：6-8hrs（11月-4月）冬季：8-9hrs（5月-10月）店長實際 冬季 6hrs（5次小休，影下停下）難度 - 店長主觀意見：☆☆☆☆☆☆⭐⭐⭐⭐注意事項：沿途穿過數座山同活火山Mount Tongariro(圖5）、Mount Ngauruhoe（圖6）等，頂後下山路段較斜，上頂前有一小段小小小危險路段。冬季登山必須冰爪，冰斧optional，全程無乾淨水補及，雖有山水但唔肯定飲唔飲得。同埋記得睇天氣，大風時可達約9級風、火山爆發、落雪同雪崩等。*要先跟DOC Department of Conservation 預約。 先簡單介紹一下TAC呢條Track背景，呢條track喺紐西蘭國家公園中最歷史悠久嘅Tongariro National Park入面。而呢個Park入面嘅山同大自然都被原居民Maori人視為一個神聖嘅地方。路線中會經過幾座仍然Active嘅火山、會見到熔岩冷卻後嘅地貌、火山持續噴緊嘅氣體同埋數個火山湖等地貌。其中佢更係《魔戎》入面末日火山嘅取景地方！行程為 早上6時半由Ohakune的backpacker出發，開車約7時到達登山口附近的小鎮Whakapapa 的泊車位（Park and ride)再坐接送Van。由於登山口有泊車限制（4hours parking)，以免太多人泊山腳影響交通等原因，所以基本9成人都係要Book shuttle坐去登山口，行完落山後佢地再去終點接你。而今次我搵咗呢一間《tongarirocrossingshuttles》簡稱TCS（$60...
紐西蘭山遊記🇳🇿Tongariro Alpine Crossing （Winter)
路線：Tongariro Alpine Crossing (Winter)距離：20.2 km（單程單日）爬升： 1,196 metres (3,923 feet）溫度： 8月份 約1至-5°C 官方預計時間 ：夏季：6-8hrs（11月-4月）冬季：8-9hrs（5月-10月）店長實際 冬季 6hrs（5次小休，影下停下）難度 - 店長主觀意見：☆☆☆☆☆☆⭐⭐⭐⭐注意事項：沿途穿過數座山同活火山Mount Tongariro(圖5）、Mount Ngauruhoe（圖6）等，頂後下山路段較斜，上頂前有一小段小小小危險路段。冬季登山必須冰爪，冰斧optional，全程無乾淨水補及，雖有山水但唔肯定飲唔飲得。同埋記得睇天氣，大風時可達約9級風、火山爆發、落雪同雪崩等。*要先跟DOC Department of Conservation 預約。 先簡單介紹一下TAC呢條Track背景，呢條track喺紐西蘭國家公園中最歷史悠久嘅Tongariro National Park入面。而呢個Park入面嘅山同大自然都被原居民Maori人視為一個神聖嘅地方。路線中會經過幾座仍然Active嘅火山、會見到熔岩冷卻後嘅地貌、火山持續噴緊嘅氣體同埋數個火山湖等地貌。其中佢更係《魔戎》入面末日火山嘅取景地方！行程為 早上6時半由Ohakune的backpacker出發，開車約7時到達登山口附近的小鎮Whakapapa 的泊車位（Park and ride)再坐接送Van。由於登山口有泊車限制（4hours parking)，以免太多人泊山腳影響交通等原因，所以基本9成人都係要Book shuttle坐去登山口，行完落山後佢地再去終點接你。而今次我搵咗呢一間《tongarirocrossingshuttles》簡稱TCS（$60...
回憶錄・산의나라
落山後食咗餐豐富晚餐，但女友見我悶悶不樂，應該知我諗緊咩，馬上安慰我話聽日再去啦，真係非常感謝佢嘅諒解。結果第三日早上8點半，我哋再次登山，今次天氣冇尋日咁好，尋晚都有落雪，風景比尋日更白，溫度又凍咗，所有嘢竟然同尋日截然不同。 走到杜鵑花田避難所，因尋日落山時我哋都係滑著落山，所以登頂前買咗兩對小型雪爪，又怕誤咗時間，所以冇食午餐，就立即跑到尋日被攔嘅入口，發現冇警告牌，終於可以繼續向山頂進發。 因為一直都喺森林中，最後一段路，豁然開朗，天空都轉晴，但越近山頂越大風，加上冇食午餐，感覺異常寒冷，先諗起頭先避難所見到嘅溫度係零下12度，回頭睇吓女友，佢已經被寒風吹到喊，我哋立即搵咗個避風處避風，見到她淚流滿面同鼻涕都結冰，喺太陽放晴藍天白雲下個感覺好唔真實，然後我話不如我哋落山啦 ，太辛苦喇，只要你平安無事，唔登頂都冇所謂，點知佢大聲話都到呢度點會放棄，嗰時我正沉思緊點算好，近頂嘅風雪突然散咗少少，原來山頂條柱已經好近得20米左右，我哋互相扶持著走到山頂條木柱，然後遲咗一日，我們終於到咗，足下第二座國家之巔：韓國漢拏山。 因為落山需時，一路上都冇乜影相，返到登山口已經天黑，趕到巴士返到市中心，就咁此行嘅登山目標完成咗，實在感謝女朋友嘅諒解，以成就我嘅小小目標，此行之後半年內也先後登頂沙巴神山同台灣玉山，正式達成一年內登東亞四國最高峰嘅目標。下一章就到見證太陽之子力量嘅沙巴神山。
回憶錄・산의나라
落山後食咗餐豐富晚餐，但女友見我悶悶不樂，應該知我諗緊咩，馬上安慰我話聽日再去啦，真係非常感謝佢嘅諒解。結果第三日早上8點半，我哋再次登山，今次天氣冇尋日咁好，尋晚都有落雪，風景比尋日更白，溫度又凍咗，所有嘢竟然同尋日截然不同。 走到杜鵑花田避難所，因尋日落山時我哋都係滑著落山，所以登頂前買咗兩對小型雪爪，又怕誤咗時間，所以冇食午餐，就立即跑到尋日被攔嘅入口，發現冇警告牌，終於可以繼續向山頂進發。 因為一直都喺森林中，最後一段路，豁然開朗，天空都轉晴，但越近山頂越大風，加上冇食午餐，感覺異常寒冷，先諗起頭先避難所見到嘅溫度係零下12度，回頭睇吓女友，佢已經被寒風吹到喊，我哋立即搵咗個避風處避風，見到她淚流滿面同鼻涕都結冰，喺太陽放晴藍天白雲下個感覺好唔真實，然後我話不如我哋落山啦 ，太辛苦喇，只要你平安無事，唔登頂都冇所謂，點知佢大聲話都到呢度點會放棄，嗰時我正沉思緊點算好，近頂嘅風雪突然散咗少少，原來山頂條柱已經好近得20米左右，我哋互相扶持著走到山頂條木柱，然後遲咗一日，我們終於到咗，足下第二座國家之巔：韓國漢拏山。 因為落山需時，一路上都冇乜影相，返到登山口已經天黑，趕到巴士返到市中心，就咁此行嘅登山目標完成咗，實在感謝女朋友嘅諒解，以成就我嘅小小目標，此行之後半年內也先後登頂沙巴神山同台灣玉山，正式達成一年內登東亞四國最高峰嘅目標。下一章就到見證太陽之子力量嘅沙巴神山。
回憶錄・兄弟一齊上・四
上回提要，我哋上到十合目嘅一間山屋，飲咗杯五百円熱朱後，就諗緊繼唔繼續去富士山真正嘅最高點剣ヶ峰，當時我哋三個一齊望向安西，佢就話行囉盤埋條老命陪你哋癲。於是我哋打開門浩浩蕩蕩同狂風暴雨搏鬥，由於睇地圖逆時針行短啲，令我哋意外避開咗剣ヶ峰前嘅⼁うまのせ，一路被風吹雨打咁行咗大約半個鐘，由於乜都睇唔到，見到有個人就問佢呢度係唔係剣ヶ峰？佢話呢度上幾級樓梯就到，終於見到呢碌代表日本最高點嘅柱！咁我哋就即刻set腳架影張合照，點知影左兩張就淋壞咗開唔返，而呢張亦係我哋唯一嘅合照。此地不宜久留，我哋原路折返返去十合目，好記得途中我係咁問忽佬仲掂唔掂，因為佢已經凍到青哂個咀震到癲，返到十合目佢哋話佢哋頭先見到3個人，但我淨係見到一個…飲多杯熱朱後因為已成功登頂所以終於可以買登頂紀念品，買完就拿拿臨落返御來光館執嘢落山。落山時因為天氣冇變好過，都係乜都睇唔到，而最勁係日本人嘅路線規劃係就算你乜都睇唔到，仍然可以跟住行返去下山道。去之前知道行砂走道會係咁吸塵，不過太大雨就冇呢個問題。本身我哋都有等大字，不過成身完全濕晒仲企喺度吹，行行下就冇人等，再行就人都唔見哂，唯有繼續落，行左唔知幾耐終於到起緊嘅須走新五合目，見到忽同爆話等咗我十分鐘左右，之後我哋一齊等安西，等左大約半個鐘終於見到佢，我哋就立即起步跑落須走口，當時都離開咗雨帶，當時成個登山口都冇哂人，返到去五合目登山口等咗陣又落超大雨，我哋就入返菊屋避雨，睇下有冇咩手信。一段時間之後有個濕撚哂嘅人開門入嚟，正是大字，見佢成個人坐低喺地，再買多陣就岩時間坐返巴士返御殿場間酒店。返到酒店後，大字講返佢去到五合目一個人都冇，仲見到架巴士開走緊，於是佢就狂追架巴士，最後追唔到，以為我哋唔等佢走咗，點知入到菊屋見到我哋好開心咁揀手信，就當堂力竭坐咗喺度。完成咗今個trip嘅目標，成個人即刻鬆哂，之後我哋決定去箱根hea返3日。返到香港後，大字畫咗我哋四個幻想中嘅登頂，四個馬頭武士狂風中插旗登頂。
回憶錄・兄弟一齊上・四
上回提要，我哋上到十合目嘅一間山屋，飲咗杯五百円熱朱後，就諗緊繼唔繼續去富士山真正嘅最高點剣ヶ峰，當時我哋三個一齊望向安西，佢就話行囉盤埋條老命陪你哋癲。於是我哋打開門浩浩蕩蕩同狂風暴雨搏鬥，由於睇地圖逆時針行短啲，令我哋意外避開咗剣ヶ峰前嘅⼁うまのせ，一路被風吹雨打咁行咗大約半個鐘，由於乜都睇唔到，見到有個人就問佢呢度係唔係剣ヶ峰？佢話呢度上幾級樓梯就到，終於見到呢碌代表日本最高點嘅柱！咁我哋就即刻set腳架影張合照，點知影左兩張就淋壞咗開唔返，而呢張亦係我哋唯一嘅合照。此地不宜久留，我哋原路折返返去十合目，好記得途中我係咁問忽佬仲掂唔掂，因為佢已經凍到青哂個咀震到癲，返到十合目佢哋話佢哋頭先見到3個人，但我淨係見到一個…飲多杯熱朱後因為已成功登頂所以終於可以買登頂紀念品，買完就拿拿臨落返御來光館執嘢落山。落山時因為天氣冇變好過，都係乜都睇唔到，而最勁係日本人嘅路線規劃係就算你乜都睇唔到，仍然可以跟住行返去下山道。去之前知道行砂走道會係咁吸塵，不過太大雨就冇呢個問題。本身我哋都有等大字，不過成身完全濕晒仲企喺度吹，行行下就冇人等，再行就人都唔見哂，唯有繼續落，行左唔知幾耐終於到起緊嘅須走新五合目，見到忽同爆話等咗我十分鐘左右，之後我哋一齊等安西，等左大約半個鐘終於見到佢，我哋就立即起步跑落須走口，當時都離開咗雨帶，當時成個登山口都冇哂人，返到去五合目登山口等咗陣又落超大雨，我哋就入返菊屋避雨，睇下有冇咩手信。一段時間之後有個濕撚哂嘅人開門入嚟，正是大字，見佢成個人坐低喺地，再買多陣就岩時間坐返巴士返御殿場間酒店。返到酒店後，大字講返佢去到五合目一個人都冇，仲見到架巴士開走緊，於是佢就狂追架巴士，最後追唔到，以為我哋唔等佢走咗，點知入到菊屋見到我哋好開心咁揀手信，就當堂力竭坐咗喺度。完成咗今個trip嘅目標，成個人即刻鬆哂，之後我哋決定去箱根hea返3日。返到香港後，大字畫咗我哋四個幻想中嘅登頂，四個馬頭武士狂風中插旗登頂。